Piet
Paaltjens
Dichter-dominee 1835 - 1894
Drinkliet foar Reade Nel,
Prûze reade Hertennel
leit to wachtsjen yn 't alkoofke
nêst de poarte fan de hel.
Hearsk miankend strykt har swarte
boarre aikjend tsjin dyn fuotten,
flaiket dy mei him to parten.
Ha gjin twivel oan 't soelaes
ek al is de boarre skurf
en telt de nel net foar in aes.
Wês in keardel koart biret,
dy't net stiet to knopetellen
of 't nou oangean sil of net.
Fang in hynder yn 'e steppe,
jachtsje troch it giele gers,
lit it stegerje en ljeppe.
Oan it wyldlân komt in ein;
hommels bliuwt it hynder stean
op it fluitsjen fan in trein.
Yn de stikels tsjin in sket
stoarrest nei in lege flesse
Reade Nel op 't etiket.
Jan Wybenga 1917 - 1994
Uit: Amoeben Reiddomprige 1953 nr 2
Drukkerij Laverman NV - Drachten - 1954