Boek Piet Paaltjens                                   Piet Paaltjens  Dichter-dominee  1835 - 1894                             


Beginpagina

Jeugdjaren in Leeuwarden

Studententijd in Leiden

Predikant in Foudgum

Predikant in Den Helder

Predikant in Schiedam

Over Piet Paaltjens

Culinaire citaten

Gedichten over eten en drinken

Culinaire bloemlezing


Contact  
As de jeugd geet kokkerellen

H'j bracht een vriend van schole met
Die zol ok blieven etten
Zien moeder von dat niet zo slim
At zi'j  't mor had gewetten.

Want zi'j had kliekskes, z'j was druk
De was mos an de kante
En ze könt meestal heel wat an
Die flinke jonge klanten.

Mor, zuchten leij niet in eur aard
Dan mor wat later etten
D'r ston nog sla zat in den hof
Die z'ieder veur kon zetten.

Ze schellen der wat eerpels bi'j
Toen kwam eur dochter binnen
Die zei: "de was hink an de draod
Waor mok now met beginnen?"

"Haal eers mor effetjes wat sla
Want Krelis blif hier etten".
"Goed", zei ze en ging noar den hof
Dat dee ze nooit, mo'j wetten.

Want ze was altied nog op school
Mor had wat vri'je dagen
En aover eur hulpvaardigheid
Had moeder niks te klagen.

Um één uur ston et etten kloar
De manslu kwammen binnen
De "slaschaal" was een waor succes
Doar zo'j zõ an beginnen.

Spinazie, van een dag d'r veur
En ok de schaal met bonen
Waren wel goed, mor konnen niet,
Die feest'lijke anblik tonen.

Moe, die et laatst an taofel kwam
De juskom neer wil wol zetten
Kek noar de sla en vroeg an Dien
Wat krie'w dan now te etten?

Dien tonen trots de schaal met sla
Dacht, dat moe eur zol roemen
Mor zi'j schoot dav'rend in de lach
"Dat . . . bunt . . . de . . . Golds . . .
                      Golds . . . bloemen!!!"



Willemien Bosch-Wentink
Bron: Uut de olde doos
Vorden 1972