Piet
Paaltjens
Dichter-dominee 1835 - 1894
ierdappels foar loaie froulju
yn 'e kelder steane twa kisten fol
nijen tear en noedlik
âlden stoef en flink bepoeiere
wrottershannen feie it ljocht oan
skarrelje beret in miel byinoar
ûnder de tinst mooglike jaskes
printet in âld krante switterich it nijs
op jierren fan famyljeberjochten en Gurbes
tommen snjitterje drûch slyk bûten it bakje
oer de skelk op de grûn mar ach,
sa kreas as by mem wurdt it toch net
hast lykweidich
snijt it molemes breklike mearke-linten
leit blauwe plakken iepen
plúzet de eagen út
oan 'e itenstafel dûke se
ien foar ien it brakke wetter yn
Grytsje Schaaf 1979
Bron: Poetic Potatoes
Viertalige uitgave van gedichten uit Fryslân en Malta 2018