Piet
Paaltjens
Dichter-dominee 1835 - 1894
Klacht van de gebraden zwaan
Uit de Carmina Burana
Vrogger ha'k 'et ja wa best,
bin 'k een mooie zwaan 'ewest,
en ik zwemm' as de pest,
O mien God,
zwat as 'n pot
a'j toch an dat broadspit wod',
Jao jongs, ai'j in 't water zit,
rn ir bint nog prachtig wit,
ach, dan denk-ie nig an 't spit.
O mien God,
zwat as 'n pot
a'j toch an dat broadspit wod'.
'k Heb in 't water spölt en stöit,
in dee daag'n hebt ze nooit
zolt en pepper op mi'j ströit.
O mien God,
zwat as 'n pot
a'j toch an dat broadspit wod'.
Met mien mooi'n lang'n nek
zwemm'ik in de Buurse bek,
't was mien beste tied. Joa, krek.
O mien God,
zwat as 'n pot
a'j toch an dat broadspit wod'.
Jao, oéw lè'm geet verdan,
meer mi'j doot ze in de pan.
En ie smull'n de wa van!
O mien God,
zwat as 'n pot
a'j toch an dat broadspit wod'.
Vertaling: Willem Wilmink
Uit: Zo klinkt dus weggesmeten geld. De geestigste gedichten
uit De Tweede Ronde, bijeengebracht door Meindert Burger &
Jos Versteegen, Uitgeverij Mouria 2007.