Piet
Paaltjens
Dichter-dominee 1835 - 1894
De dei is jong, mar swart en âld
stiet kâlde thee yn wite koppen.
Us eigen leechte húst yn lege doppen -
wy freegje 'noar net mear om 't sâlt.
Stilte hâldt ús fêst yn syn bewâld,
hoe't ik ek gûch'lje mei de knoppen
fan de radio, en ek it iere roppen
fan de koekút lit ús suver kâld.
Tusken ús is neat mear, leave,
as in tafel mei in sniewyt kleed
en kopkes dêr't wy mar in reare
om de lange dagen fan dit steed.
It fee giet weidzjend oer it gea
en kôget like stom it deistich brea.
Eppie Dam 1953
Bron: Fjouwer Fertikaal
Koperative Utjowerij, Boalsert 1985