Piet
Paaltjens
Dichter-dominee 1835 - 1894
Op die dood van 'n oester
in sy omhelsing vasgevang
keer sy skugter in haarself
geslote
maar hý onbevange minnaar
trek, suig, soen haar vas-
beslote
later heelwat later
sonder enig verweer of hoop
geen weerstand meer
sluit sy haar lyf se deure oop
en op haar mantel van wit linne
wydsbenig en woordeloos
syg hy haar liggaam binne
sy het nooit gevra
wie hy was of waarvandaan
slegs haar oë gesluit... verdra
nou na'n voller oord
onversadig, onverstoord
sit die seester sy seëtog voort
Niel van Tonder 1942
Uit: De Afrikaanse poëzie in duizend en enige gedichten Gerrit Komrij
1999 Uitgeverij Bert Bakker Amsterdam