Piet
Paaltjens
Dichter-dominee 1835 - 1894
pinda lekka
rôp de chinees
mei syn bakjefol
apenuten yn sûker bebakt
op de hoeke fan
de collaardslaan
in earme chinees
sei ús mem
mar wy leauden der neat fan
hy mei syn rop fan
ierdryks einen
en de geur fan
ûnútsprekbere rivieren
op de kaart
en wy
dy't noait in dûbeltsje hiene
foar pinda lekka
rûnen de chinees
mei skeane eagen foarby
Tiny Mulder 1921 - 2010
Bron: Tinkschrift. Samle gedichten
Bosch & Keuning, Baarn
De Tille bv, Ljouwert 1986