Piet
Paaltjens
Dichter-dominee 1835 - 1894
Soep
Soms dee mien mouder vrouger
wel ais vermeselli deur de soep
in de vörm van klaaine letters.
Aaid n prachteg tiedverdrief,
mor om dou mien körte achternoam
even vlöt te vangen in de lepel,
dat vuil haildaal nog nait tou.
De letter S was mainst betuun
en t duurde wel n stief ketaaier
veur ik miezulm uutendelk von.
Op dij menaaier heb ik leerd:
nooit et men soep zo hait
as hai aaltied opdaind wordt.
Ger Siks 1942 - 2023
Uit: Toal en Taiken. Tiedschrift veur Grunneger Kultuur
Jannewoarie/Feberwoarie 2000