Piet
Paaltjens
Dichter-dominee 1835 - 1894
Soep
t Is zundag en wie eten soep, hoezee.
Vaar lepels tinkeln: zuide melodie.
En ondertied zai k in mien fantezie
De vermicellideuze in d'keuken op zien stee.
Plomp zegt de slaif. Pa schept, t is mor n veeg.
Zien viefde bord alweer! Zo gaait t mooi rad!
Tou moeke, zuske, eet joe dik en zat,
Zoveul te eerder is de deuze leeg.
Nog n weke, reken ik, din is t zo wied.
Din scheur k hom zuitjes open bie de noaden.
O, t nuigend-widde van dij binnenzied.
O donzend kinderhaart. Tussen mien oren
Jankt mien verhoal: ik wil der uut, t is tied!
Mien potlood schrift. Wees stil, doe wordst geboren.
Kees Visscher 1930 - 2007
Uit: Toal en Taiken. Tiedschrift veur Grunneger Kultuur
Jannewoarie/Feberwoarie 2000