Piet
Paaltjens
Dichter-dominee 1835 - 1894
soms tink ik
yn dit doarp
hat de tiid
eefkes ûnder seil west
it rûkt hjirre
noch altyd
nei sangerige sûpenbrij
lytse nearringdwaanden
rinne te keap
mei in negoasje fan neat
op itselfde stuit lykwols
dat ik Sijke Bôlekoer
om 'e hoeke ferwachtsje
en ik mysels
ta Jan Peteroalje tink
sjit in lytse Rudmer-of-sa
op in raketfyts my foarby
gau keapje ik
in broadsje enerzjy
by Sijke Bôlekoer
tenk ik branje
by Jan Peteroalje
en mei rakettinzen
set ik de efterfolging yn
as ik him ynhelle ha
tink ik
no mei om my
de tiid
wol efkes ûnder seil gean
en it soe ek net slim wêze
kaam de rook
fan sangerige sûpenbrij
my yn é noas
Meindert Bylsma 1941
Ut: Tekens fan hjoed nei juster
Utjouwerij QkeleQ 1986